౯. ఆఘాతవత్థుసుత్తవణ్ణనా

౨౯. నవమే వసతి ఏత్థ ఫలం తన్నిమిత్తతాయ పవత్తతీతి వత్థు, కారణన్తి ఆహ ‘‘ఆఘాతవత్థూనీ’’తి. కోపో నామాయం యస్మిం వత్థుస్మిం ఉప్పజ్జతి, న తత్థ ఏకవారమేవ ఉప్పజ్జతి, అథ ఖో పునపి ఉప్పజ్జతేవాతి వుత్తం ‘‘బన్ధతీ’’తి. అథ వా యో పచ్చయవిసేసేన ఉప్పజ్జమానో ఆఘాతో సవిసయే బద్ధో వియ న విగచ్ఛతి, పునపి ఉప్పజ్జతేవ. తం సన్ధాయాహ ‘‘ఆఘాతం బన్ధతీ’’తి. తం పనస్స పచ్చయవసేన నిబ్బత్తనం ఉప్పాదనమేవాతి వుత్తం ‘‘ఉప్పాదేతీ’’తి.

ఆఘాతవత్థుసుత్తవణ్ణనా నిట్ఠితా.