౧. నిస్సయవగ్గో

౧-౧౦. కిమత్థియసుత్తాదివణ్ణనా

౧-౧౦. ఏకాదసకనిపాతస్స పఠమాదీని ఉత్తానత్థానేవ. దసమే జనితస్మిన్తి కమ్మకిలేసేహి నిబ్బత్తే, జనే ఏతస్మిన్తి వా జనేతస్మిం, మనుస్సేసూతి అత్థో. తేనాహ ‘‘యే గోత్తపటిసారినో’’తి. జనితస్మిం-సద్దో ఏవ వా ఇ-కారస్స ఏ-కారం కత్వా ‘‘జనేతస్మి’’న్తి వుత్తో. జనితస్మిన్తి చ జనస్మిన్తి అత్థో వేదితబ్బో. జనితస్మిన్తి సామఞ్ఞగ్గహణేపి యత్థ చతువణ్ణసమఞ్ఞా, తత్థేవ మనుస్సలోకే. ఖత్తియో సేట్ఠోతి అయం లోకసమఞ్ఞాపి మనుస్సలోకేయేవ, న దేవకాయే బ్రహ్మకాయే వాతి దస్సేతుం ‘‘యే గోత్తపటిసారినో’’తి వుత్తం. పటిసరన్తీతి ‘‘అహం గోతమో, అహం కస్సపో’’తి పటి పటి అత్తనో గోత్తం అనుస్సరన్తి పటిజానన్తి వాతి అత్థో.

కిమత్థియసుత్తాదివణ్ణనా నిట్ఠితా.

నిస్సయవగ్గవణ్ణనా నిట్ఠితా.