౬. పఠమమిత్తామచ్చసుత్తం

౧౦౧౨. ‘‘యే తే, భిక్ఖవే, అనుకమ్పేయ్యాథ, యే చ సోతబ్బం మఞ్ఞేయ్యుం – మిత్తా వా అమచ్చా వా ఞాతీ వా సాలోహితా వా – తే, భిక్ఖవే, చతూసు సోతాపత్తియఙ్గేసు సమాదపేతబ్బా, నివేసేతబ్బా, పతిట్ఠాపేతబ్బా. కతమేసు చతూసు? బుద్ధే అవేచ్చప్పసాదే సమాదపేతబ్బా, నివేసేతబ్బా, పతిట్ఠాపేతబ్బా – ఇతిపి సో భగవా…పే… సత్థా దేవమనుస్సానం బుద్ధో భగవాతి. ధమ్మే…పే… సఙ్ఘే…పే… అరియకన్తేసు సీలేసు సమాదపేతబ్బా, నివేసేతబ్బా, పతిట్ఠాపేతబ్బా అఖణ్డేసు…పే… సమాధిసంవత్తనికేసు. యే తే, భిక్ఖవే, అనుకమ్పేయ్యాథ, యే చ సోతబ్బం మఞ్ఞేయ్యుం – మిత్తా వా అమచ్చా వా ఞాతీ వా సాలోహితా వా – తే, భిక్ఖవే, ఇమేసు చతూసు సోతాపత్తియఙ్గేసు సమాదపేతబ్బా, నివేసేతబ్బా, పతిట్ఠాపేతబ్బా’’తి. ఛట్ఠం.