౬. సఞ్ఞాసుత్తం

౩౧౭. సావత్థినిదానం. ‘‘యో ఖో, భిక్ఖవే, రూపసఞ్ఞాయ ఉప్పాదో ఠితి…పే… జరామరణస్స పాతుభావో…పే… యో ధమ్మసఞ్ఞాయ ఉప్పాదో ఠితి అభినిబ్బత్తి పాతుభావో, దుక్ఖస్సేసో ఉప్పాదో, రోగానం ఠితి, జరామరణస్స పాతుభావో. యో చ ఖో, భిక్ఖవే, రూపసఞ్ఞాయ నిరోధో…పే… జరామరణస్స అత్థఙ్గమో…పే… యో ధమ్మసఞ్ఞాయ నిరోధో వూపసమో అత్థఙ్గమో, దుక్ఖస్సేసో నిరోధో, రోగానం వూపసమో, జరామరణస్స అత్థఙ్గమో’’తి. ఛట్ఠం.