౭. సఞ్చేతనాసుత్తం

౩౧౮. సావత్థినిదానం. ‘‘యో ఖో, భిక్ఖవే, రూపసఞ్చేతనాయ ఉప్పాదో ఠితి…పే… జరామరణస్స పాతుభావో…పే… యో ధమ్మసఞ్చేతనాయ ఉప్పాదో ఠితి అభినిబ్బత్తి పాతుభావో, దుక్ఖస్సేసో ఉప్పాదో, రోగానం ఠితి, జరామరణస్స పాతుభావో. యో చ ఖో, భిక్ఖవే, రూపసఞ్చేతనాయ నిరోధో…పే… జరామరణస్స అత్థఙ్గమో…పే… యో ధమ్మసఞ్చేతనాయ నిరోధో వూపసమో అత్థఙ్గమో, దుక్ఖస్సేసో నిరోధో, రోగానం వూపసమో, జరామరణస్స అత్థఙ్గమో’’తి. సత్తమం.