౧-౧౧. మారాదిసుత్తఏకాదసకం

౧౯౪. సావత్థినిదానం. ఏకమన్తం నిసిన్నం ఖో ఆయస్మన్తం రాధం భగవా ఏతదవోచ – ‘‘యో ఖో, రాధ, మారో; తత్ర తే ఛన్దో పహాతబ్బో, రాగో పహాతబ్బో, ఛన్దరాగో పహాతబ్బో. కో చ, రాధ, మారో? రూపం ఖో, రాధ, మారో; తత్ర తే ఛన్దో పహాతబ్బో…పే… విఞ్ఞాణం మారో; తత్ర తే ఛన్దో పహాతబ్బో…పే… యో ఖో, రాధ, మారో; తత్ర తే ఛన్దో పహాతబ్బో, రాగో పహాతబ్బో, ఛన్దరాగో పహాతబ్బో’’తి.

౧౯౫. యో ఖో, రాధ, మారధమ్మో; తత్ర తే ఛన్దో పహాతబ్బో, రాగో పహాతబ్బో, ఛన్దరాగో పహాతబ్బో…పే….

౧౯౬. యం ఖో, రాధ, అనిచ్చం…పే….

౧౯౭. యో ఖో, రాధ, అనిచ్చధమ్మో…పే….

౧౯౮. యం ఖో, రాధ, దుక్ఖం…పే….

౧౯౯. యో ఖో, రాధ, దుక్ఖధమ్మో…పే….

౨౦౦. యో ఖో, రాధ, అనత్తా…పే….

౨౦౧. యో ఖో, రాధ, అనత్తధమ్మో…పే….

౨౦౨. యో ఖో, రాధ, ఖయధమ్మో…పే….

౨౦౩. యో ఖో, రాధ, వయధమ్మో…పే….

౨౦౪. యో ఖో, రాధ, సముదయధమ్మో; తత్ర తే ఛన్దో పహాతబ్బో, రాగో పహాతబ్బో, ఛన్దరాగో పహాతబ్బో…పే….