౫౭. వస్సవలాహకసుత్తం

౬౦౬. సావత్థినిదానం. ఏకమన్తం నిసిన్నో ఖో సో భిక్ఖు భగవన్తం ఏతదవోచ – ‘‘కో ను ఖో, భన్తే, హేతు, కో పచ్చయో, యేనేకదా దేవో వస్సతీ’’తి? ‘‘సన్తి, భిక్ఖు, వస్సవలాహకా నామ దేవా. తేసం యదా ఏవం హోతి – ‘యంనూన మయం సకాయ రతియా వసేయ్యామా’తి, తేసం తం చేతోపణిధిమన్వాయ దేవో వస్సతి. అయం ఖో, భిక్ఖు, హేతు, అయం పచ్చయో, యేనేకదా దేవో వస్సతీ’’తి. సత్తపఞ్ఞాసమం.

సత్తపఞ్ఞాససుత్తన్తం నిట్ఠితం.

వలాహకసంయుత్తం సమత్తం.