౧౩-౫౨. ఉణ్హవలాహకదానూపకారసుత్తచాలీసకం

౫౬౨-౬౦౧. సావత్థినిదానం. ఏకమన్తం నిసిన్నో ఖో సో భిక్ఖు భగవన్తం ఏతదవోచ – ‘‘కో ను ఖో, భన్తే, హేతు, కో పచ్చయో, యేన మిధేకచ్చో కాయస్స భేదా పరం మరణా ఉణ్హవలాహకానం దేవానం…పే… అబ్భవలాహకానం దేవానం…పే… వాతవలాహకానం దేవానం…పే… వస్సవలాహకానం దేవానం సహబ్యతం ఉపపజ్జతీ’’తి? ‘‘ఇధ, భిక్ఖు, ఏకచ్చో కాయేన సుచరితం చరతి, వాచాయ సుచరితం చరతి, మనసా సుచరితం చరతి. తస్స సుతం హోతి – ‘వస్సవలాహకా దేవా దీఘాయుకా వణ్ణవన్తో సుఖబహులా’తి. తస్స ఏవం హోతి – ‘అహో వతాహం కాయస్స భేదా పరం మరణా వస్సవలాహకానం దేవానం సహబ్యతం ఉపపజ్జేయ్య’న్తి. సో అన్నం దేతి…పే… పదీపేయ్యం దేతి. సో కాయస్స భేదా పరం మరణా వస్సవలాహకానం దేవానం సహబ్యతం ఉపపజ్జతి. అయం ఖో, భిక్ఖు, హేతు, అయం పచ్చయో, యేన మిధేకచ్చో కాయస్స భేదా పరం మరణా వస్సవలాహకానం దేవానం సహబ్యతం ఉపపజ్జతీ’’తి. ద్వేపఞ్ఞాసమం.