౮. సిఙ్గాలసుత్తం

౧౬౪. సావత్థియం విహరతి…పే… ‘‘దారుణో, భిక్ఖవే, లాభసక్కారసిలోకో…పే… అధిగమాయ. అస్సుత్థ నో తుమ్హే, భిక్ఖవే, రత్తియా పచ్చూససమయం జరసిఙ్గాలస్స [సిఙ్గాలస్స (క.), జరసిగాలస్స (సీ. స్యా. కం.)] వస్సమానస్సా’’తి? ‘‘ఏవం, భన్తే’’. ‘‘ఏసో ఖో, భిక్ఖవే, జరసిఙ్గాలో ఉక్కణ్డకేన [ఉక్కణ్డకేన (సీ.), ఉక్కణ్ణకేన (స్యా. కం. పీ.)] నామ రోగజాతేన ఫుట్ఠో నేవ బిలగతో రమతి, న రుక్ఖమూలగతో రమతి, న అజ్ఝోకాసగతో రమతి; యేన యేన గచ్ఛతి, యత్థ యత్థ తిట్ఠతి, యత్థ యత్థ నిసీదతి, యత్థ యత్థ నిపజ్జతి; తత్థ తత్థ అనయబ్యసనం ఆపజ్జతి. ఏవమేవ ఖో, భిక్ఖవే, ఇధేకచ్చో భిక్ఖు లాభసక్కారసిలోకేన అభిభూతో పరియాదిణ్ణచిత్తో నేవ సుఞ్ఞాగారగతో రమతి, న రుక్ఖమూలగతో రమతి, న అజ్ఝోకాసగతో రమతి; యేన యేన గచ్ఛతి, యత్థ యత్థ తిట్ఠతి, యత్థ యత్థ నిసీదతి, యత్థ యత్థ నిపజ్జతి; తత్థ తత్థ అనయబ్యసనం ఆపజ్జతి. ఏవం దారుణో ఖో, భిక్ఖవే, లాభసక్కారసిలోకో…పే… ఏవఞ్హి వో, భిక్ఖవే, సిక్ఖితబ్బ’’న్తి. అట్ఠమం.