౬. పఠమకరణీయవిమానవత్థు

౯౨౬. ‘‘ఉచ్చమిదం మణిథూణం విమానం, సమన్తతో ద్వాదస యోజనాని;

కూటాగారా సత్తసతా ఉళారా, వేళురియథమ్భా రుచకత్థతా సుభా.

౯౨౭. ‘‘తత్థచ్ఛసి పివసి ఖాదసి చ, దిబ్బా చ వీణా పవదన్తి వగ్గుం;

దిబ్బా రసా కామగుణేత్థ పఞ్చ, నారియో చ నచ్చన్తి సువణ్ణఛన్నా.

౯౨౮. ‘‘కేన తేతాదిసో వణ్ణో…పే…

వణ్ణో చ తే సబ్బదిసా పభాసతీ’’తి.

౯౩౦. సో దేవపుత్తో అత్తమనో…పే…యస్స కమ్మస్సిదం ఫలం.

౯౩౧. ‘‘కరణీయాని పుఞ్ఞాని, పణ్డితేన విజానతా;

సమ్మగ్గతేసు బుద్ధేసు, యత్థ దిన్నం మహప్ఫలం.

౯౩౨. ‘‘అత్థాయ వత మే బుద్ధో, అరఞ్ఞా గామమాగతో;

తత్థ చిత్తం పసాదేత్వా, తావతింసూపగో అహం [అహుం (సీ.)].

౯౩౩. ‘‘తేన మేతాదిసో వణ్ణో…పే…వణ్ణో చ మే సబ్బదిసా పభాసతీ’’తి.

పఠమకరణీయవిమానం ఛట్ఠం.