౪. అలోమవిమానవత్థు

౭౧౧. ‘‘అభిక్కన్తేన వణ్ణేన, యా త్వం తిట్ఠసి దేవతే;

ఓభాసేన్తీ దిసా సబ్బా, ఓసధీ వియ తారకా.

౭౧౨. ‘‘కేన తేతాదిసో వణ్ణో…పే…

వణ్ణో చ తే సబ్బదిసా పభాసతీ’’తి.

౭౧౪. సా దేవతా అత్తమనా…పే… యస్స కమ్మస్సిదం ఫలం.

౭౧౫. ‘‘అహఞ్చ బారాణసియం, బుద్ధస్సాదిచ్చబన్ధునో;

అదాసిం సుక్ఖకుమ్మాసం, పసన్నా సేహి పాణిభి.

౭౧౬. ‘‘సుక్ఖాయ అలోణికాయ చ, పస్స ఫలం కుమ్మాసపిణ్డియా;

అలోమం సుఖితం దిస్వా, కో పుఞ్ఞం న కరిస్సతి.

౭౧౭. ‘‘తేన మేతాదిసో వణ్ణో…పే… వణ్ణో చ మే సబ్బదిసా పభాసతీ’’తి.

అలోమవిమానం చతుత్థం.