౧౨. ధమ్మదిన్నాథేరీగాథా

౧౨. ‘‘ఛన్దజాతా అవసాయీ, మనసా చ ఫుటా [ఫుట్ఠా (స్యా.), ఫుఠా (సీ. అట్ఠ.)] సియా;

కామేసు అప్పటిబద్ధచిత్తా [అప్పటిబన్ధచిత్తా (క.)], ఉద్ధంసోతాతి వుచ్చతీ’’తి [ఉద్ధంసోతా విముచ్చతీతి (సీ. పీ.)].

… ధమ్మదిన్నా థేరీ….

౧౩. ‘‘కరోథ బుద్ధసాసనం, యం కత్వా నానుతప్పతి;

ఖిప్పం పాదాని ధోవిత్వా, ఏకమన్తే నిసీదథా’’తి.

… విసాఖా థేరీ….

౧౪. ‘‘ధాతుయో దుక్ఖతో దిస్వా, మా జాతిం పునరాగమి;

భవే ఛన్దం విరాజేత్వా, ఉపసన్తా చరిస్ససీ’’తి.

… సుమనా థేరీ….