౩. మోదకదాయికాథేరీఅపదానం

౩౦. ‘‘నగరే బన్ధుమతియా, కుమ్భదాసీ అహోసహం;

మమ భాగం గహేత్వాన, గచ్ఛం ఉదకహారికా [ఉదకహారికం (సీ.), ఉదకహారికే (స్యా.)].

౩౧. ‘‘పన్థమ్హి సమణం దిస్వా, సన్తచిత్తం సమాహతం;

పసన్నచిత్తా సుమనా, మోదకే తీణిదాసహం.

౩౨. ‘‘తేన కమ్మేన సుకతేన, చేతనాపణిధీహి చ;

ఏకనవుతికప్పాని [ఏకూనతింసకప్పాని (స్యా.)], వినిపాతం నగచ్ఛహం.

౩౩. ‘‘సమ్పత్తి తం [సమ్పత్తిఞ్చ (స్యా.), సమ్పత్తికం (క.)] కరిత్వాన, సబ్బం అనుభవిం అహం;

మోదకే తీణి దత్వాన, పత్తాహం అచలం పదం.

౩౪. ‘‘కిలేసా ఝాపితా మయ్హం…పే… విహరామి అనాసవా.

౩౫. ‘‘స్వాగతం వత మే ఆసి…పే… కతం బుద్ధస్స సాసనం.

౩౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం మోదకదాయికా భిక్ఖునీ ఇమా గాథాయో అభాసిత్థాతి.

మోదకదాయికాథేరియాపదానం తతియం.