౪. సఙ్కమనత్థాథేరీఅపదానం

౩౧. ‘‘విపస్సిస్స భగవతో [కోణ్డఞ్ఞస్స భగవతో (స్యా. పీ.)], లోకజేట్ఠస్స తాదినో;

రథియం పటిపన్నస్స, తారయన్తస్స పాణినో.

౩౨. ‘‘ఘరతో నిక్ఖమిత్వాన, అవకుజ్జా నిపజ్జహం;

అనుకమ్పకో లోకనాథో, సిరసి [సీసన్తే (సీ. క.)] అక్కమీ మమ [తదా (స్యా. పీ.)].

౩౩. ‘‘అక్కమిత్వాన సిరసి [సమ్బుద్ధో (క.)], అగమా లోకనాయకో;

తేన చిత్తప్పసాదేన, తుసితం అగమాసహం.

౩౪. ‘‘కిలేసా ఝాపితా మయ్హం…పే… విహరామి అనాసవా.

౩౫. ‘‘స్వాగతం వత మే ఆసి…పే… కతం బుద్ధస్స సాసనం.

౩౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం సఙ్కమనత్థా [సఙ్కమనదా (స్యా.)] భిక్ఖునీ ఇమా గాథాయో అభాసిత్థాతి.

సఙ్కమనత్థాథేరియాపదానం చతుత్థం.