౭. సమ్భూతత్థేరగాథా

౨౯౧. ‘‘యో దన్ధకాలే తరతి, తరణీయే చ దన్ధయే;

అయోని [అయోనిసో (స్యా.)] సంవిధానేన, బాలో దుక్ఖం నిగచ్ఛతి.

౨౯౨. ‘‘తస్సత్థా పరిహాయన్తి, కాళపక్ఖేవ చన్దిమా;

ఆయసక్యఞ్చ [ఆయసస్యఞ్చ (సీ.)] పప్పోతి, మిత్తేహి చ విరుజ్ఝతి.

౨౯౩. ‘‘యో దన్ధకాలే దన్ధేతి, తరణీయే చ తారయే;

యోనిసో సంవిధానేన, సుఖం పప్పోతి పణ్డితో.

౨౯౪. ‘‘తస్సత్థా పరిపూరేన్తి, సుక్కపక్ఖేవ చన్దిమా;

యసో కిత్తిఞ్చ పప్పోతి, మిత్తేహి న విరుజ్ఝతీ’’తి.

… సమ్భూతో థేరో….