౪౨. పరియోగాహణఞాణనిద్దేసో

౯౩. కథం ఫుట్ఠత్తా పఞ్ఞా పరియోగాహణే ఞాణం? రూపం అనిచ్చతో ఫుసతి, రూపం దుక్ఖతో ఫుసతి, రూపం అనత్తతో ఫుసతి. యం యం ఫుసతి తం తం పరియోగాహతీతి – ఫుట్ఠత్తా పఞ్ఞా పరియోగాహణే ఞాణం. వేదనం…పే… సఞ్ఞం… సఙ్ఖారే… విఞ్ఞాణం… చక్ఖుం…పే… జరామరణం అనిచ్చతో ఫుసతి, దుక్ఖతో ఫుసతి, అనత్తతో ఫుసతి. యం యం ఫుసతి తం తం పరియోగాహతీతి – ఫుట్ఠత్తా పఞ్ఞా పరియోగాహణే ఞాణం. తం ఞాతట్ఠేన ఞాణం, పజాననట్ఠేన పఞ్ఞా. తేన వుచ్చతి – ‘‘ఫుట్ఠత్తా పఞ్ఞా పరియోగాహణే ఞాణం’’.

పరియోగాహణఞాణనిద్దేసో ద్వేచత్తాలీసమో.