౬. చతుబ్యూహహారసమ్పాతో

౬౮. తత్థ కతమో చతుబ్యూహో హారసమ్పాతో.

‘‘తస్మా రక్ఖితచిత్తస్స, సమ్మాసఙ్కప్పగోచరో’’తి గాథా. ‘‘తస్మా రక్ఖితచిత్తస్సా’’తి రక్ఖితం పరిపాలీయతీతి ఏసా నిరుత్తి. ఇధ భగవతో కో అధిప్పాయో? యే దుగ్గతీహి పరిముచ్చితుకామా భవిస్సన్తి, తే ధమ్మచారినో భవిస్సన్తీతి అయం ఏత్థ భగవతో అధిప్పాయో. కోకాలికో హి సారిపుత్తమోగ్గల్లానేసు థేరేసు చిత్తం పదోసయిత్వా మహాపదుమనిరయే ఉపపన్నో. భగవా చ సతిఆరక్ఖేన చేతసా సమన్నాగతో, సుత్తమ్హి వుత్తం ‘‘సతియా చిత్తం రక్ఖితబ్బ’’న్తి.

నియుత్తో చతుబ్యూహో హారసమ్పాతో.