౧. సఙ్గహవారో

యం లోకో పూజయతే, సలోకపాలో సదా నమస్సతి చ;

తస్సేత సాసనవరం, విదూహి ఞేయ్యం నరవరస్స.

ద్వాదస పదాని సుత్తం, తం సబ్బం బ్యఞ్జనఞ్చ అత్థో చ;

తం విఞ్ఞేయ్యం ఉభయం, కో అత్థో బ్యఞ్జనం కతమం.

సోళసహారా నేత్తి [నేత్తీ (క.)], పఞ్చనయా సాసనస్స పరియేట్ఠి;

అట్ఠారసమూలపదా, మహకచ్చానేన [మహాకచ్చానేన (సీ.)] నిద్దిట్ఠా.

హారా బ్యఞ్జనవిచయో, సుత్తస్స నయా తయో చ సుత్తత్థో;

ఉభయం పరిగ్గహీతం, వుచ్చతి సుత్తం యథాసుత్తం.

యా చేవ దేసనా యఞ్చ, దేసితం ఉభయమేవ విఞ్ఞేయ్యం;

తత్రాయమానుపుబ్బీ, నవవిధసుత్తన్తపరియేట్ఠీతి.

సఙ్గహవారో.