౨౯౦. సీలవీమంసకజాతకం (౩-౪-౧౦)

౧౧౮. సీలం కిరేవ కల్యాణం, సీలం లోకే అనుత్తరం;

పస్స ఘోరవిసో నాగో, సీలవాతి న హఞ్ఞతి.

౧౧౯. సోహం సీలం సమాదిస్సం, లోకే అనుమతం సివం;

అరియవుత్తిసమాచారో, యేన వుచ్చతి సీలవా.

౧౨౦. ఞాతీనఞ్చ పియో హోతి, మిత్తేసు చ విరోచతి;

కాయస్స భేదా సుగతిం, ఉపపజ్జతి సీలవాతి.

సీలవీమంసకజాతకం దసమం.

అబ్భన్తరవగ్గో చతుత్థో.

తస్సుద్దానం –

దుమ కంసవరుత్తమబ్యగ్ఘమిగా, మణయో మణి సాలుకమవ్హయనో;

అనుసాసనియోపి చ మచ్ఛవరో, మణికుణ్డలకేన కిరేన దసాతి.