౫. రంసిసఞ్ఞకత్థేరఅపదానం

౩౦. ‘‘పబ్బతే హిమవన్తమ్హి, వాసం కప్పేసహం పురే;

అజినుత్తరవాసోహం, వసామి పబ్బతన్తరే.

౩౧. ‘‘సువణ్ణవణ్ణం సమ్బుద్ధం, సతరంసింవ భాణుమం;

వనన్తరగతం దిస్వా, సాలరాజంవ పుప్ఫితం.

౩౨. ‘‘రంస్యా [రంసే (స్యా. క.)] చిత్తం పసాదేత్వా, విపస్సిస్స మహేసినో;

పగ్గయ్హ అఞ్జలిం వన్దిం, సిరసా ఉక్కుటీ [సిరసా ఉక్కుటికో (స్యా.), సిరసుక్కుటికో (క.)] అహం.

౩౩. ‘‘ఏకనవుతితో కప్పే, యం కమ్మమకరిం తదా;

దుగ్గతిం నాభిజానామి, రంసిసఞ్ఞాయిదం ఫలం.

౩౪. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా రంసిసఞ్ఞకో థేరో ఇమా గాథాయో అభాసిత్థాతి.

రంసిసఞ్ఞకత్థేరస్సాపదానం పఞ్చమం.