౩. గయాకస్సపత్థేరఅపదానం

౩౫. ‘‘అజినచమ్మవత్థోహం [అజినవత్తం నివత్తోహం (సీ.)], ఖారిభారధరో తదా;

ఖారికం హారయిత్వాన, కోలం అహాసి అస్సమం.

౩౬. ‘‘భగవా తమ్హి సమయే, ఏకో అదుతియో జినో;

మమస్సమం ఉపాగచ్ఛి, జోతేన్తో సబ్బకాలికం.

౩౭. ‘‘సకం చిత్తం పసాదేత్వా, అభివాదేత్వాన సుబ్బతం;

ఉభో హత్థేహి పగ్గయ్హ, కోలం బుద్ధస్సదాసహం.

౩౮. ‘‘ఏకతింసే ఇతో కప్పే, యం ఫలం అదదిం తదా;

దుగ్గతిం నాభిజానామి, కోలదానస్సిదం ఫలం.

౩౯. ‘‘కిలేసా ఝాపితా మయ్హం…పే… విహరామి అనాసవో.

౪౦. ‘‘స్వాగతం వత మే ఆసి…పే… కతం బుద్ధస్స సాసనం.

౪౧. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా గయాకస్సపో థేరో ఇమా గాథాయో

అభాసిత్థాతి.

గయాకస్సపత్థేరస్సాపదానం తతియం.