౯. ఆమణ్డఫలదాయకత్థేరఅపదానం

౭౪. ‘‘పదుముత్తరో నామ జినో, సబ్బధమ్మాన పారగూ;

వుట్ఠహిత్వా సమాధిమ్హా, చఙ్కమీ లోకనాయకో.

౭౫. ‘‘ఖారిభారం గహేత్వాన, ఆహరన్తో ఫలం తదా;

అద్దసం విరజం బుద్ధం, చఙ్కమన్తం మహామునిం.

౭౬. ‘‘పసన్నచిత్తో సుమనో, సిరే కత్వాన అఞ్జలిం;

సమ్బుద్ధం అభివాదేత్వా, ఆమణ్డమదదిం ఫలం.

౭౭. ‘‘సతసహస్సితో కప్పే, యం ఫలం అదదిం తదా;

దుగ్గతిం నాభిజానామి, ఆమణ్డస్స ఇదం ఫలం.

౭౮. ‘‘కిలేసా ఝాపితా మయ్హం…పే… విహరామి అనాసవో.

౭౯. ‘‘స్వాగతం వత మే ఆసి…పే… కతం బుద్ధస్స సాసనం.

౮౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ఆమణ్డఫలదాయకో థేరో ఇమా

గాథాయో అభాసిత్థాతి.

ఆమణ్డఫలదాయకత్థేరస్సాపదానం నవమం.