౭. గిరిపున్నాగియత్థేరఅపదానం

౬౧. ‘‘సోభితో నామ సమ్బుద్ధో, చిత్తకూటే వసీ తదా;

గహేత్వా గిరిపున్నాగం, సయమ్భుం అభిపూజయిం.

౬౨. ‘‘చతున్నవుతితో కప్పే, యం బుద్ధమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౬౩. ‘‘కిలేసా ఝాపితా మయ్హం…పే… విహరామి అనాసవో.

౬౪. ‘‘స్వాగతం వత మే ఆసి…పే… కతం బుద్ధస్స సాసనం.

౬౫. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా గిరిపున్నాగియో థేరో ఇమా గాథాయో

అభాసిత్థాతి.

గిరిపున్నాగియత్థేరస్సాపదానం సత్తమం.