౮. వల్లికారఫలదాయకత్థేరఅపదానం

౬౬. ‘‘సుమనో నామ సమ్బుద్ధో, తక్కరాయం వసీ తదా;

వల్లికారఫలం గయ్హ, సయమ్భుస్స అదాసహం.

౬౭. ‘‘ఏకతింసే ఇతో కప్పే, యం ఫలం అదదిం తదా;

దుగ్గతిం నాభిజానామి, ఫలదానస్సిదం ఫలం.

౬౮. ‘‘కిలేసా ఝాపితా మయ్హం…పే… విహరామి అనాసవో.

౬౯. ‘‘స్వాగతం వత మే ఆసి…పే… కతం బుద్ధస్స సాసనం.

౭౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా వల్లికారఫలదాయకో థేరో ఇమా

గాథాయో అభాసిత్థాతి.

వల్లికారఫలదాయకత్థేరస్సాపదానం అట్ఠమం.