౬. వల్లిఫలదాయకత్థేరఅపదానం

౩౧. ‘‘సబ్బే జనా సమాగమ్మ, అగమింసు వనం తదా;

ఫలమన్వేసమానా తే, అలభింసు ఫలం తదా.

౩౨. ‘‘తత్థద్దసాసిం సమ్బుద్ధం, సయమ్భుం అపరాజితం;

పసన్నచిత్తో సుమనో, వల్లిఫలమదాసహం.

౩౩. ‘‘ఏకత్తింసే ఇతో కప్పే, యం ఫలమదదిం తదా;

దుగ్గతిం నాభిజానామి, ఫలదానస్సిదం ఫలం.

౩౪. ‘‘కిలేసా ఝాపితా మయ్హం…పే… విహరామి అనాసవో.

౩౫. ‘‘స్వాగతం వత మే ఆసి…పే… కతం బుద్ధస్స సాసనం.

౩౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా వల్లిఫలదాయకో థేరో ఇమా గాథాయో అభాసిత్థాతి.

వల్లిఫలదాయకత్థేరస్సాపదానం ఛట్ఠం.