౧౦. సళలపుప్ఫియత్థేరఅపదానం

౩౫. ‘‘చన్దభాగానదీతీరే, అహోసిం కిన్నరో తదా;

తత్థద్దసం దేవదేవం, చఙ్కమన్తం నరాసభం.

౩౬. ‘‘ఓచినిత్వాన సళలం, పుప్ఫం బుద్ధస్సదాసహం;

ఉపసిఙ్ఘి మహావీరో, సళలం దేవగన్ధికం.

౩౭. ‘‘పటిగ్గహేత్వా సమ్బుద్ధో, విపస్సీ లోకనాయకో;

ఉపసిఙ్ఘి మహావీరో, పేక్ఖమానస్స మే సతో.

౩౮. ‘‘పసన్నచిత్తో సుమనో, వన్దిత్వా ద్విపదుత్తమం;

అఞ్జలిం పగ్గహేత్వాన, పున పబ్బతమారుహిం.

౩౯. ‘‘ఏకనవుతితో కప్పే, యం పుప్ఫమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౪౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సళలపుప్ఫియో థేరో ఇమా గాథాయో అభాసిత్థాతి.

సళలపుప్ఫియత్థేరస్సాపదానం దసమం.

మన్దారవపుప్ఫియవగ్గో సత్తతింసతిమో.