౮. తిరంసియత్థేరఅపదానం

౩౯. ‘‘కేసరిం అభిజాతంవ, అగ్గిక్ఖన్ధంవ పబ్బతే;

ఓభాసేన్తం దిసా సబ్బా [నివాసేన్తం (క.), దిసాసిన్నం (స్యా.)], సిద్ధత్థం పబ్బతన్తరే.

౪౦. ‘‘సూరియస్స చ ఆలోకం, చన్దాలోకం తథేవ చ;

బుద్ధాలోకఞ్చ దిస్వాన, విత్తి మే ఉదపజ్జథ.

౪౧. ‘‘తయో ఆలోకే దిస్వాన, సమ్బుద్ధం [బుద్ధఞ్చ (సీ.)] సావకుత్తమం;

ఏకంసం అజినం కత్వా, సన్థవిం లోకనాయకం.

౪౨. ‘‘తయో హి ఆలోకకరా, లోకే లోకతమోనుదా;

చన్దో చ సూరియో చాపి, బుద్ధో చ లోకనాయకో.

౪౩. ‘‘ఓపమ్మం ఉపదస్సేత్వా, కిత్తితో మే మహాముని;

బుద్ధస్స వణ్ణం కిత్తేత్వా, కప్పం సగ్గమ్హి మోదహం.

౪౪. ‘‘చతున్నవుతితో కప్పే, యం బుద్ధమభికిత్తయిం;

దుగ్గతిం నాభిజానామి, కిత్తనాయ ఇదం ఫలం.

౪౫. ‘‘ఏకసట్ఠిమ్హితో కప్పే, ఏకో ఞాణధరో అహు;

సత్తరతనసమ్పన్నో, చక్కవత్తీ మహబ్బలో.

౪౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా తిరంసియో థేరో ఇమా గాథాయో అభాసిత్థాతి.

తిరంసియత్థేరస్సాపదానం అట్ఠమం.