౨. భోజనదాయకత్థేరఅపదానం

౪. ‘‘సుజాతో సాలలట్ఠీవ, సోభఞ్జనమివుగ్గతో;

ఇన్దలట్ఠిరివాకాసే, విరోచతి సదా జినో.

౫. ‘‘తస్స దేవాతిదేవస్స, వేస్సభుస్స మహేసినో;

అదాసి భోజనమహం, విప్పసన్నేన చేతసా.

౬. ‘‘తం మే బుద్ధో అనుమోది, సయమ్భూ అపరాజితో;

భవే నిబ్బత్తమానమ్హి, ఫలం నిబ్బత్తతూ తవ.

౭. ‘‘ఏకత్తింసే ఇతో కప్పే, యం దానమదదిం తదా;

దుగ్గతిం నాభిజానామి, భోజనస్స ఇదం ఫలం.

౮. ‘‘పఞ్చవీసే ఇతో కప్పే, ఏకో ఆసిం అమిత్తకో;

సత్తరతనసమ్పన్నో, చక్కవత్తీ మహబ్బలో.

౯. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా భోజనదాయకో థేరో ఇమా గాథాయో అభాసిత్థాతి.

భోజనదాయకత్థేరస్సాపదానం దుతియం.