౪. సద్దసఞ్ఞకత్థేరఅపదానం

౧౭. ‘‘అనుగ్గతమ్హి ఆదిచ్చే, పనాదో [పసాదో (స్యా. అట్ఠ.)] విపులో అహు;

బుద్ధసేట్ఠస్స లోకమ్హి, పాతుభావో మహేసినో.

౧౮. ‘‘ఘోస [సద్ద (సీ. స్యా.)] మస్సోసహం తత్థ, న చ పస్సామి తం జినం;

మరణఞ్చ అనుప్పత్తో, బుద్ధసఞ్ఞమనుస్సరిం.

౧౯. ‘‘చతున్నవుతితో కప్పే, యం సఞ్ఞమలభిం తదా;

దుగ్గతిం నాభిజానామి, బుద్ధపూజాయిదం ఫలం.

౨౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సద్దసఞ్ఞకో థేరో ఇమా గాథాయో అభాసిత్థాతి.

సద్దసఞ్ఞకత్థేరస్సాపదానం చతుత్థం.