౨. ఫలదాయకత్థేరఅపదానం

౫. ‘‘సినేరుసమసన్తోసో, ధరణీసమ [ధరణీధర (సీ. స్యా.)] సాదిసో;

వుట్ఠహిత్వా సమాధిమ్హా, భిక్ఖాయ మముపట్ఠితో.

౬. ‘‘హరీతకం [హరీతకిం (స్యా.)] ఆమలకం, అమ్బజమ్బువిభీతకం;

కోలం భల్లాతకం బిల్లం, ఫారుసకఫలాని చ.

౭. ‘‘సిద్ధత్థస్స మహేసిస్స, సబ్బలోకానుకమ్పినో;

తఞ్చ సబ్బం మయా దిన్నం, విప్పసన్నేన చేతసా.

౮. ‘‘చతున్నవుతితో కప్పే, యం ఫలం అదదిం తదా;

దుగ్గతిం నాభిజానామి, ఫలదానస్సిదం ఫలం.

౯. ‘‘సత్తపఞ్ఞాసితో కప్పే, ఏకజ్ఝో నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౧౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ఫలదాయకో థేరో ఇమా గాథాయో అభాసిత్థాతి.

ఫలదాయకత్థేరస్సాపదానం దుతియం.