౭. చితకపూజకత్థేరఅపదానం

౨౭. ‘‘చన్దభాగానదీతీరే, అనుసోతం వజామహం;

సత్త మాలువపుప్ఫాని, చితమారోపయిం అహం.

౨౮. ‘‘చతున్నవుతితో కప్పే, చితకం యమపూజయిం;

దుగ్గతిం నాభిజానామి, చితపూజాయిదం ఫలం.

౨౯. ‘‘సత్తసట్ఠిమ్హితో కప్పే, పటిజగ్గసనామకా;

సత్తరతనసమ్పన్నా, సత్తాసుం చక్కవత్తినో [పటిజగ్గసనామకో; సత్తరతనసమ్పన్నో, చక్కవత్తీ మహబ్బలో (స్యా.)].

౩౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా చితకపూజకో థేరో ఇమా గాథాయో అభాసిత్థాతి.

చితకపూజకత్థేరస్సాపదానం సత్తమం.