౨. తిలముట్ఠిదాయకత్థేరఅపదానం

౫. ‘‘మమ సఙ్కప్పమఞ్ఞాయ, సత్థా లోకగ్గనాయకో;

మనోమయేన కాయేన, ఇద్ధియా ఉపసఙ్కమి.

౬. ‘‘సత్థారం ఉపసఙ్కన్తం, వన్దిత్వా పురిసుత్తమం;

పసన్నచిత్తో సుమనో, తిలముట్ఠిమదాసహం.

౭. ‘‘ఏకనవుతితో కప్పే, యం దానమదదిం తదా;

దుగ్గతిం నాభిజానామి, తిలముట్ఠియిదం ఫలం.

౮. ‘‘ఇతో సోళసకప్పమ్హి, తన్తిసో [ఖన్తియో (స్యా.)] నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౯. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా తిలముట్ఠిదాయకో థేరో ఇమా గాథాయో అభాసిత్థాతి.

తిలముట్ఠిదాయకత్థేరస్సాపదానం దుతియం.