౩. అడ్ఢచన్దియత్థేరఅపదానం

౧౦. ‘‘తిస్సస్స ఖో భగవతో, బోధియా పాదపుత్తమే;

అడ్ఢచన్దం మయా దిన్నం, ధరణీరుహపాదపే.

౧౧. ‘‘ద్వేనవుతే ఇతో కప్పే, యం చన్ద [యం పుప్ఫ (క.)] మభిరోపయిం;

దుగ్గతిం నాభిజానామి, బోధిపూజాయిదం ఫలం.

౧౨. ‘‘పఞ్చవీసే ఇతో కప్పే, దేవలో నామ ఖత్తియో;

సత్తరతనసమ్పన్నో, చక్కవత్తీ మహబ్బలో.

౧౩. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా అడ్ఢచన్దియో థేరో ఇమా గాథాయో అభాసిత్థాతి.

అడ్ఢచన్దియత్థేరస్సాపదానం తతియం.