౭. మఞ్జరిపూజకత్థేరఅపదానం

౨౩. ‘‘మఞ్జరికం కరిత్వాన, రథియం పటిపజ్జహం;

అద్దసం సమణానగ్గం, భిక్ఖుసఙ్ఘపురక్ఖతం.

౨౪. ‘‘పసన్నచిత్తో సుమనో, పరమాయ చ పీతియా;

ఉభో హత్థేహి పగ్గయ్హ, బుద్ధస్స అభిరోపయిం.

౨౫. ‘‘ద్వేనవుతే ఇతో కప్పే, యం పుప్ఫమభిపూజయిం;

దుగ్గతిం నాభిజానామి, పుప్ఫపూజాయిదం ఫలం.

౨౬. ‘‘ఇతో తేసత్తతికప్పే, ఏకో ఆసిం మహీపతి;

జోతియో నామ నామేన, చక్కవత్తీ మహబ్బలో.

౨౭. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా మఞ్జరిపూజకో థేరో ఇమా గాథాయో అభాసిత్థాతి.

మఞ్జరిపూజకత్థేరస్సాపదానం సత్తమం.