౩. చితకపూజకత్థేరఅపదానం

౯. ‘‘ఆనన్దో నామ సమ్బుద్ధో, సయమ్భూ అపరాజితో;

అరఞ్ఞే పరినిబ్బాయి, అమనుస్సమ్హి కాననే.

౧౦. ‘‘దేవలోకా ఇధాగన్త్వా, చితం కత్వానహం తదా;

సరీరం తత్థ ఝాపేసిం, సక్కారఞ్చ అకాసహం.

౧౧. ‘‘ఏకనవుతితో కప్పే, యం కమ్మమకరిం తదా;

దుగ్గతిం నాభిజానామి, బుద్ధపూజాయిదం ఫలం.

౧౨. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా చితకపూజకో థేరో ఇమా గాథాయో అభాసిత్థాతి.

చితకపూజకత్థేరస్సాపదానం తతియం.