౩. సాలపుప్ఫియత్థేరఅపదానం

౯. ‘‘అరుణవతియా నగరే, అహోసిం పూపికో తదా;

మమ ద్వారేన గచ్ఛన్తం, సిఖినం అద్దసం జినం.

౧౦. ‘‘బుద్ధస్స పత్తం పగ్గయ్హ, సాలపుప్ఫం అదాసహం;

సమ్మగ్గతస్స బుద్ధస్స, విప్పసన్నేన చేతసా.

౧౧. ‘‘ఏకత్తింసే ఇతో కప్పే, యం పుప్ఫమభిదాసహం [యం ఖజ్జకమదాసహం (సీ.), యం ఖజ్జమభిదాసహం (క.) సాలపుప్ఫనామకం ఖజ్జకం వా భవేయ్య];

దుగ్గతిం నాభిజానామి, సాలపుప్ఫస్సిదం ఫలం.

౧౨. ‘‘ఇతో చుద్దసకప్పమ్హి, అహోసిం అమితఞ్జలో;

సత్తరతనసమ్పన్నో, చక్కవత్తీ మహబ్బలో.

౧౩. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సాలపుప్ఫియో థేరో ఇమా గాథాయో అభాసిత్థాతి.

సాలపుప్ఫియత్థేరస్సాపదానం తతియం.