౮. ముట్ఠిపూజకత్థేరఅపదానం

౪౨. ‘‘సుమేధో నామ భగవా, లోకజేట్ఠో నరాసభో;

పచ్ఛిమే అనుకమ్పాయ, పధానం పదహీ జినో.

౪౩. ‘‘తస్స చఙ్కమమానస్స, ద్విపదిన్దస్స తాదినో;

గిరినేలస్స పుప్ఫానం, ముట్ఠిం బుద్ధస్స రోపయిం.

౪౪. ‘‘తేన చిత్తప్పసాదేన, సుక్కమూలేన చోదితో;

తింసకప్పసహస్సాని, దుగ్గతిం నుపపజ్జహం.

౪౫. ‘‘తేవీసతికప్పసతే, సునేలో నామ ఖత్తియో;

సత్తరతనసమ్పన్నో, ఏకో ఆసిం మహబ్బలో.

౪౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ముట్ఠిపూజకో థేరో ఇమా గాథాయో అభాసిత్థాతి.

ముట్ఠిపూజకత్థేరస్సాపదానం అట్ఠమం.