౫. సీహాసనదాయకత్థేరఅపదానం

౨౧. ‘‘నిబ్బుతే లోకనాథమ్హి, పదుముత్తరనాయకే;

పసన్నచిత్తో సుమనో, సీహాసనమదాసహం.

౨౨. ‘‘బహూహి గన్ధమాలేహి, దిట్ఠధమ్మసుఖావహే;

తత్థ పూజఞ్చ కత్వాన, నిబ్బాయతి బహుజ్జనో.

౨౩. ‘‘పసన్నచిత్తో సుమనో, వన్దిత్వా బోధిముత్తమం;

కప్పానం సతసహస్సం, దుగ్గతిం నుపపజ్జహం.

౨౪. ‘‘పన్నరససహస్సమ్హి, కప్పానం అట్ఠ ఆసు తే [అట్ఠ ఆసయుం (క.)];

సిలుచ్చయసనామా చ, రాజానో చక్కవత్తినో.

౨౫. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సీహాసనదాయకో థేరో ఇమా గాథాయో అభాసిత్థాతి;

సీహాసనదాయకత్థేరస్సాపదానం పఞ్చమం.