౭. యూథికపుప్ఫియత్థేరఅపదానం

౩౩. ‘‘చన్దభాగానదీతీరే, అనుసోతం వజామహం;

సయమ్భుం అద్దసం తత్థ, సాలరాజంవ ఫుల్లితం.

౩౪. ‘‘పుప్ఫం యూథికమాదాయ, ఉపగచ్ఛిం మహామునిం;

పసన్నచిత్తో సుమనో, బుద్ధస్స అభిరోపయిం.

౩౫. ‘‘చతున్నవుతితో కప్పే, యం పుప్ఫమభిరోపయిం;

దుగ్గతిం నాభిజానామి, బుద్ధపూజాయిదం ఫలం.

౩౬. ‘‘సత్తసట్ఠిమ్హితో కప్పే, ఏకో సాముద్ధరో అహు;

సత్తరతనసమ్పన్నో, చక్కవత్తీ మహబ్బలో.

౩౭. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా యూథికపుప్ఫియో థేరో ఇమా గాథాయో అభాసిత్థాతి.

యూథికపుప్ఫియత్థేరస్సాపదానం సత్తమం.