౯. పున్నాగపుప్ఫియత్థేరఅపదానం

౪౬. ‘‘కాననం వనమోగయ్హ, వసామి లుద్దకో అహం;

పున్నాగం పుప్ఫితం దిస్వా, బుద్ధసేట్ఠం అనుస్సరిం.

౪౭. ‘‘తం పుప్ఫం ఓచినిత్వాన, సుగన్ధం గన్ధితం సుభం;

థూపం కరిత్వా పులినే, బుద్ధస్స అభిరోపయిం.

౪౮. ‘‘ద్వేనవుతే ఇతో కప్పే, యం పుప్ఫమభిపూజయిం;

దుగ్గతిం నాభిజానామి, బుద్ధపూజాయిదం ఫలం.

౪౯. ‘‘ఏకమ్హి నవుతే కప్పే, ఏకో ఆసిం తమోనుదో;

సత్తరతనసమ్పన్నో, చక్కవత్తీ మహబ్బలో.

౫౦. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పున్నాగపుప్ఫియో థేరో ఇమా గాథాయో అభాసిత్థాతి.

పున్నాగపుప్ఫియత్థేరస్సాపదానం నవమం.