౪. కక్కారుపుప్ఫపూజకత్థేరఅపదానం

౨౧. ‘‘దేవపుత్తో అహం సన్తో, పూజయిం సిఖినాయకం;

కక్కారుపుప్ఫం పగ్గయ్హ, బుద్ధస్స అభిరోపయిం.

౨౨. ‘‘ఏకత్తింసే ఇతో కప్పే, యం పుప్ఫమభిరోపయిం;

దుగ్గతిం నాభిజానామి, బుద్ధపూజాయిదం ఫలం.

౨౩. ‘‘ఇతో చ నవమే కప్పే, రాజా సత్తుత్తమో అహుం;

సత్తరతనసమ్పన్నో, చక్కవత్తీ మహబ్బలో.

౨౪. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా కక్కారుపుప్ఫపూజకో థేరో ఇమా గాథాయో అభాసిత్థాతి.

కక్కారుపుప్ఫపూజకత్థేరస్సాపదానం చతుత్థం.