౮. ఫలకదాయకత్థేరఅపదానం

౩౭. ‘‘యానకారో పురే ఆసిం, దారుకమ్మే సుసిక్ఖితో;

చన్దనం ఫలకం కత్వా, అదాసిం లోకబన్ధునో.

౩౮. ‘‘పభాసతి ఇదం బ్యమ్హం, సువణ్ణస్స సునిమ్మితం;

హత్థియానం అస్సయానం, దిబ్బయానం ఉపట్ఠితం.

౩౯. ‘‘పాసాదా సివికా చేవ, నిబ్బత్తన్తి యదిచ్ఛకం;

అక్ఖుబ్భం [అక్ఖోభం (సీ.)] రతనం మయ్హం, ఫలకస్స ఇదం ఫలం.

౪౦. ‘‘ఏకనవుతితో కప్పే, ఫలకం యమహం దదిం;

దుగ్గతిం నాభిజానామి, ఫలకస్స ఇదం ఫలం.

౪౧. ‘‘సత్తపఞ్ఞాసకప్పమ్హి, చతురో నిమ్మితావ్హయా;

సత్తరతనసమ్పన్నా, చక్కవత్తీ మహబ్బలా.

౪౨. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ఫలకదాయకో థేరో ఇమా గాథాయో అభాసిత్థాతి.

ఫలకదాయకత్థేరస్సాపదానం అట్ఠమం.