౬. చమ్పకపుప్ఫియత్థేరఅపదానం

౪౧. ‘‘కణికారంవ జోతన్తం, నిసిన్నం పబ్బతన్తరే;

ఓభాసేన్తం దిసా సబ్బా, ఓసధిం వియ తారకం [ఓసధీ వియ తారకా (క.)].

౪౨. ‘‘తయో మాణవకా ఆసుం, సకే సిప్పే సుసిక్ఖితా;

ఖారిభారం గహేత్వాన, అన్వేన్తి మమ పచ్ఛతో.

౪౩. ‘‘పుటకే సత్త పుప్ఫాని, నిక్ఖిత్తాని తపస్సినా;

గహేత్వా తాని ఞాణమ్హి, వేస్సభుస్సాభిరోపయిం.

౪౪. ‘‘ఏకత్తింసే ఇతో కప్పే, యం పుప్ఫమభిరోపయిం;

దుగ్గతిం నాభిజానామి, ఞాణపూజాయిదం ఫలం.

౪౫. ‘‘ఏకూనతింసకప్పమ్హి, విపులాభ [విహతాభా (స్యా.)] సనామకో;

సత్తరతనసమ్పన్నో, చక్కవత్తీ [రాజా హోసి (క.)] మహబ్బలో.

౪౬. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా చమ్పకపుప్ఫియో థేరో ఇమా గాథాయో అభాసిత్థాతి;

చమ్పకపుప్ఫియత్థేరస్సాపదానం ఛట్ఠం.