౨. ఞాణసఞ్ఞికత్థేరఅపదానం

౭. ‘‘సువణ్ణవణ్ణం సమ్బుద్ధం, నిసభాజానియం యథా;

తిధాపభిన్నం మాతఙ్గం, కుఞ్జరంవ మహేసినం.

౮. ‘‘ఓభాసేన్తం దిసా సబ్బా, ఉళురాజంవ పూరితం;

రథియం పటిపజ్జన్తం, లోకజేట్ఠం అపస్సహం.

౯. ‘‘ఞాణే చిత్తం పసాదేత్వా, పగ్గహేత్వాన అఞ్జలిం;

పసన్నచిత్తో సుమనో, సిద్ధత్థమభివాదయిం.

౧౦. ‘‘చతున్నవుతితో కప్పే, యం కమ్మమకరిం తదా;

దుగ్గతిం నాభిజానామి, ఞాణసఞ్ఞాయిదం ఫలం.

౧౧. ‘‘తేసత్తతిమ్హితో కప్పే, సోళసాసుం నరుత్తమా;

సత్తరతనసమ్పన్నా, చక్కవత్తీ మహబ్బలా.

౧౨. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా ఞాణసఞ్ఞికో థేరో ఇమా గాథాయో అభాసిత్థాతి.

ఞాణసఞ్ఞికత్థేరస్సాపదానం దుతియం.