౨. సుచిన్తికత్థేరఅపదానం

౮. ‘‘తిస్సస్స లోకనాథస్స, సుద్ధపీఠమదాసహం;

హట్ఠో హట్ఠేన చిత్తేన, బుద్ధస్సాదిచ్చబన్ధునో.

౯. ‘‘అట్ఠారసే [అట్ఠతింసే (సీ. స్యా.)] ఇతో కప్పే, రాజా ఆసిం మహారుచి;

భోగో చ విపులో ఆసి, సయనఞ్చ అనప్పకం.

౧౦. ‘‘పీఠం బుద్ధస్స దత్వాన, విప్పసన్నేన చేతసా;

అనుభోమి సకం కమ్మం, పుబ్బే సుకతమత్తనో.

౧౧. ‘‘ద్వేనవుతే ఇతో కప్పే, యం పీఠమదదిం తదా;

దుగ్గతిం నాభిజానామి, పీఠదానస్సిదం ఫలం.

౧౨. ‘‘అట్ఠతింసే ఇతో కప్పే, తయో తే చక్కవత్తినో;

రుచి ఉపరుచి చేవ, మహారుచి తతియకో.

౧౩. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సుచిన్తికో థేరో ఇమా గాథాయో అభాసిత్థాతి.

సుచిన్తికత్థేరస్సాపదానం దుతియం.