౧. మారసుత్తవణ్ణనా

౧౬౦. రాధసంయుత్తస్స పఠమే మారో వా అస్సాతి మరణం వా భవేయ్య. మారేతా వాతి మారేతబ్బో వా. యో వా పన మీయతీతి యో వా పన మరతి. నిబ్బిదత్థన్తి నిబ్బిదాఞాణత్థం. నిబ్బానత్థాతి ఫలవిముత్తి నామేసా అనుపాదానిబ్బానత్థాతి అత్థో. అచ్చయాసీతి అతిక్కన్తోసి. నిబ్బానోగధన్తి నిబ్బానే పతిట్ఠితం. ఇదం మగ్గబ్రహ్మచరియం నామ నిబ్బానబ్భన్తరే వుస్సతి, న నిబ్బానం అతిక్కమిత్వాతి అత్థో. నిబ్బానపరియోసానన్తి నిబ్బానం అస్స పరియోసానం, నిప్ఫత్తి నిట్ఠాతి అత్థో. పఠమం.