౬. మల్లికాసుత్తవణ్ణనా

౧౨౭. ఛట్ఠే ఉపసఙ్కమీతి మల్లికాయ దేవియా గబ్భవుట్ఠానకాలే సూతిఘరం పటిజగ్గాపేత్వా ఆరక్ఖం దత్వా ఉపసఙ్కమి. అనత్తమనో అహోసీతి, ‘‘దుగ్గతకులస్స మే ధీతు మహన్తం ఇస్సరియం దిన్నం, సచే పుత్తం అలభిస్స, మహన్తం సక్కారం అధిగమిస్స, తతో దాని పరిహీనా’’తి అనత్తమనో అహోసి. సేయ్యాతి దన్ధపఞ్ఞస్మా ఏలమూగపుత్తతో ఏకచ్చా ఇత్థీయేవ సేయ్యా. పోసాతి పోసేహి. జనాధిపాతి జనాధిభుం రాజానం ఆలపతి. సస్సుదేవాతి సస్సుససురదేవతా. దిసమ్పతీతి దిసాజేట్ఠకా. తాదిసా సుభగియాతి తాదిసాయ సుభరియాయ. ఛట్ఠం.