౨. దుతియకస్సపసుత్తవణ్ణనా

౮౩. దుతియే ఝాయీతి ద్వీహి ఝానేహి ఝాయీ. విముత్తచిత్తోతి కమ్మట్ఠానవిముత్తియా విముత్తచిత్తో. హదయస్సానుపత్తిన్తి అరహత్తం. లోకస్సాతి సఙ్ఖారలోకస్స. అనిస్సితోతి తణ్హాదిట్ఠీహి అనిస్సితో, తణ్హాదిట్ఠియో వా అనిస్సితో. తదానిసంసోతి అరహత్తానిసంసో. ఇదం వుత్తం హోతి – అరహత్తానిసంసో భిక్ఖు అరహత్తం పత్థేన్తో ఝాయీ భవేయ్య, సువిముత్తచిత్తో భవేయ్య, లోకస్స ఉదయబ్బయం ఞత్వా అనిస్సితో భవేయ్య. తన్తిధమ్మో పన ఇమస్మిం సాసనే పుబ్బభాగోతి. దుతియం.