౪. మణిభద్దసుత్తవణ్ణనా

౨౩౮. చతుత్థే సుఖమేధతీతి, సుఖం పటిలభతి. సువే సేయ్యోతి సువే సువే సేయ్యో, నిచ్చమేవ సేయ్యోతి అత్థో. వేరా న పరిముచ్చతీతి అహం సతిమాతి ఏత్తకేన వేరతో న ముచ్చతి. యస్సాతి యస్స అరహతో. అహింసాయాతి కరుణాయ చేవ కరుణాపుబ్బభాగే చ. మేత్తంసోతి సో మేత్తఞ్చేవ మేత్తాపుబ్బభాగఞ్చ భావేతి. అథ వా అంసోతి కోట్ఠాసో వుచ్చతి. మేత్తా అంసో ఏతస్సాతి మేత్తంసో. ఇదం వుత్తం హోతి – యస్స అరహతో సబ్బకాలం అహింసాయ రతో మనో, యస్స చ సబ్బభూతేసు మేత్తాకోట్ఠాసో అత్థి, తస్స కేనచి పుగ్గలేన సద్ధిం వేరం నామ నత్థి యక్ఖాతి. చతుత్థం.