౨. సుచిన్తికత్థేరఅపదానవణ్ణనా

తిస్సస్స లోకనాథస్సాతిఆదికం ఆయస్మతో సుచిన్తికత్థేరస్స అపదానం. అయమ్పి పురిమబుద్ధేసు కతాధికారో అనేకాసు జాతీసు నిబ్బానాధిగమాయ పుఞ్ఞం ఉపచినిత్వా తిస్సస్స భగవతో కాలే ఏకస్మిం కులగేహే నిబ్బత్తో వుద్ధిమన్వాయ సత్థరి పసీదిత్వా సత్థు నిసీదనత్థాయ పరిసుద్ధం సిలిట్ఠం కట్ఠమయమనగ్ఘపీఠమదాసి. సో తేన పుఞ్ఞకమ్మేన సుగతిసుఖమనుభవిత్వా తత్థ తత్థ సంసరన్తో ఇమస్మిం బుద్ధుప్పాదే ఏకస్మిం కులగేహే నిబ్బత్తో వుద్ధిమన్వాయ సత్థరి పసీదిత్వా పబ్బజితో నచిరస్సేవ అరహా అహోసి.

౮. సో పత్తఅరహత్తఫలో పుబ్బకమ్మం సరిత్వా సోమనస్సజాతో పుబ్బచరితాపదానం పకాసేన్తో తిస్సస్స లోకనాథస్సాతిఆదిమాహ. తం సబ్బం ఉత్తానత్థమేవాతి.

సుచిన్తికత్థేరఅపదానవణ్ణనా సమత్తా.